-اجمل مافيكي يامصرنا. هبه الدمنهورى
اجمل مافيكي يامصرنا.
حضنك ديما بيضمنا.
اي ازمه تعدي عليكي.
تلاقينا نتجمع كلنا.
مصر يابلد الحضاره والشموخ.
يزوروكي الناس من اخر الدنيا
اصل هواكي يرد الروح.
نيلك يروي سكان مصر
اللي في عشه واللي في قصر.
والصحرا هتعمر بايدينا
لاجل نعلي رايه مصر.
مصرنا ارض العروبه .
قلبها مفتوح للجميع.
ديما ابوابها مفتوحه.
والعادي فيها يضيع.
مصر دي ام الدنيا.
حبها يجري جوه عروقنا.
مهما مرت بيها مصاعب.
حبها ساكن جوه قلوبنا.
مصر يعني امين شعراوي.
وصل علمه لكل الناس.
مصر يعني احلي غناوي.
والفلاح في ايديه الفاس.
مصر يعني عامل في المصنع.
والطالب رايح مدرسته.
والفران من بدري بيخبز.
والازهر بيادي رسالته.
مصر يعني ايناس جوهر.
ضحكتها ترن تقول عجبي.
بسمعها وانا بعمل شغل البيت.
اضحك وانسي همومي وتعبي.
ومدام هاجر سعد الدين.
بتعلمنا امور ديننا.
وابله فضيله جيل ورا جيل.
لسه بنسمع حواديتها.
مصر دي بلد القنال.
والبورسعيدي ع السمسميه يقول موال.
ومافيش حد عدي عليها الا وقال.
اهي دي مصر ام الدنيا.
بقلمي هبه عبدالله الدمنهوري.
ليست هناك تعليقات